Hierdie berig het verskyn in Beeld op 21 Augustus 1990:
SKAARS ses maande nadat ‘n st. 8-leerling van Pretoria ‘n lees- en spelkursus begin volg het, het sy leesvermoë van st. 2-vlak na st. 6-vlak verbeter.
Dié terugvoering wys dat sy kursus werk, sê dr. Jan Strydom, ‘n opvoedkundige van Pretoria.
Dr. Strydom hou seminare by die Technikon Pretoria vir disleksielyers en kinders met lees- en spelprobleme.
Nie net kan Werner Louw (16) nou 163 woorde per minuut lees teenoor die 107 woorde wat hy in Maart gelees het nie. Sy leesvermoë kan nog voor einde vanjaar bo dié van ‘n st. 8-leerling wees as hy sy kursus getrou volg.
Volwasse disleksielyers en ouers wie se kinders lees- en spelprobleme ondervind, kan Saterdag ‘n seminaar op die Technikonrand-kampus in Pretoria-Wes bywoon.
Belangstellendes kan mnr. Willem Fourie by tel. (012) …. opbel.
Leave a Reply