fbpx

‘n Duidelike en Opmerkbare Verbetering

Feedback.3185717_stdIgnus het Januarie 1992 met Audiblox begin. Sy spelling en lees was uiters swak. Na twee jaar se remediëring van klanke, klankdiskriminasie, visuele diskriminasie-oefeninge en arbeidsterapie kon hy goed stillees soos bepaal deur ‘n RGN-stilleesbegripstoets — maar hy het nog nie volgens sy volle potensiaal gelees nie.

Sy luidlees was ‘n pynlike proses en is steeds so, behalwe dat hy geen omkerings of inversie foute meer maak nie. Sy spelling was baie swak — hy het baie foneties geskryf, bv. luppe vir lippe, veder vir verder, huiel vir huil ens. en toe het hy skieklik alles begin verwar: u en n; m en w; p, b en d.

Dis toe dat ek besluit het om hierdie seun op Audiblox te sit.

Sy spelling het sodanig verbeter dat hy geen omkerings of inversies meer maak nie. Sy onderwyseres, mej Botha het gesê dat daar ‘n duidelike en opmerkbare verbetering in sy werk is. In die remediërende klas was hy die leerling wat week na week, en dag na dag, al sy woorde agtermekaar korrek gespel het. Sy spelling en visuele geheue het beslis baie verbeter, so ook sy konsentrasie en motivering. Hy het nog ‘n ver pad om te loop — sy lees het nog ‘n algehele omwenteling nodig, maar dan moet ek byvoeg dat ek tot dusver hoofsaaklik op sy spelling gekonsentreer het. Hierdie jaar gaan ons DV slegs op lees konsentreer.

Hester Willies
Remediërende onderwyseres
27 Januarie 1993


Ignus se Engelse spelling het ook verbeter. Hier is ‘n voorbeeld van sy spelling voor  Audiblox:

spellbefore

Na 10 maande:

spellafter

 

Share Button

Hester Willies Remediërende onderwyseres

Skip to toolbar