Leer Afrikaans: Vergelykings

‘n Vergelyking is ‘n vorm van beeldspraak wat die eksplisiete ooreenkoms tussen die onderwerp en iets totaal anders noem. Dit word gevorm met die woord “soos” of “as”.

Sonder sy kleurryke vergelykings is Afrikaans maar net nie Afrikaans nie; die vergelyking vorm gevolglik ’n groot en onlosmaaklike deel van Afrikaans se ryke skat van idiome.

Vergelykings van a tot z:

Aanteel soos konyne
So alleen soos my vinger / ‘n uitgestote blesbokram (minder bekend)
So arm soos ‘n kerkmuis / ‘n maer hond wat aan ‘n kaal been kou (minder bekend) / ‘n bedelaar (minder bekend)
So astrant soos ‘n bobbejaanmannetjie (minder bekend)
Hulle baklei soos kat en hond
So bang soos die duiwel vir ‘n slypsteen / ‘n haas (vir ‘n hond)
So besig soos ‘n mier
Hy bewe soos ‘n riet
Iets is so bitter soos gal
So bleek soos die dood / ‘n laken / ‘n lyk
So blind soos ‘n mol
Dit blink soos ‘n spieël
So blou soos die hemel / die berge
So bont soos ‘n bok (minder bekend)
Dit brand soos vuur
So breed soos die see (minder bekend)
Hy brul soos ‘n leeu / bees
So bly soos ‘n vis in die water (minder bekend)
So dapper soos ‘n leeu
So dig soos ‘n pot / ‘n oerwoud (minder bekend)
So dikvellig soos ‘n renoster
So dood soos ‘n mossie (= morsdood) / ‘n luis tussen twee vingernaels (minder bekend)
So doof soos ‘n kwartel (= stokdoof)
So dom soos ‘n esel / grond
So donker soos die nag / ‘n koolmyn in die nag (minder bekend)
So dors soos ‘n kameel (minder bekend)
So dronk soos ‘n spook / hoender
So droog soos ‘n woestyn / biltong (minder bekend)
Drillerig soos jellie
So duidelik soos daglig
So dun soos ‘n plank / doringdraad (minder bekend)
So duur soos peper (beter bekend as peperduur)
Hy eet soos ‘n wolf
So fris soos ‘n vis (in die water)
So fyn soos poeier (minder bekend) / sand (minder bekend)
So geduldig soos Job (= baie geduldig)
So gedwee soos ‘n lam
So geel soos goud / borrie
Hy het ‘n geheue soos ‘n olifant hê (= hy kan baie goed onthou)
Hy het geld soos bossies (= hy het baie geld)
So gelukkig soos ‘n eend in water / ‘n vis in die water
So gelyk soos ‘n tennisbaan (minder bekend)
So gereeld soos klokslag / die son
So gesond soos ‘n vis in die water
So getrou soos ‘n hond / waghond (minder bekend)

So giftig soos ‘n geitjie / ‘n slang
So glad soos seep
So groen soos gras
So groot soos ‘n reus / ‘n olifant
So gou soos nou
So hard soos klip
So honger soos ‘n wolf
So hoog soos die berge
So kaal soos ‘n rot (= brandarm)
So klein soos ‘n muis
So koel soos ‘n komkommer
Kinders soos orrelpype (= baie kinders van allerhande groottes in een gesin)
So koud soos ys
Hy leef soos ‘n koning
So lelik soos die nag
So lig soos ‘n veer
So lui soos ‘n donkie
‘n Maag soos ‘n volstruis hê
So maer soos ‘n kraai
So mak soos ‘n lam
So mal soos ‘n haas
So nat soos ‘n hoender
So nors soos ‘n buffel
So nuuskierig soos ‘n aap
Ontelbaar soos die sand van die see
So oud soos die berge
So plat soos ‘n pannekoek
So reg soos ‘n roer
So rats soos ‘n bobbejaan
So rooi soos bloed
Hy rook soos ‘n skoorsteen
So sag soos wol
So siek soos ‘n hond
Sy sing soos ‘n nagtegaal
So skaars soos hoendertande
So skeel soos ‘n skaap
So skelm soos ‘n jakkals
Hy slaap soos ‘n klip
Dit smelt soos water in jou mond
So stadig soos ‘n skilpad / trapsuutjie
So steeks soos ‘n donkie
So sterk soos ‘n bees
So stil soos ‘n muis
Stink soos ‘n muishond
Hy suip soos ‘n vis
So swaar soos lood
So swart soos roet / die nag
Hy swyg soos die graf
So taai soos ‘n ratel
‘n Tong soos ‘n skeermes
So trots soos ‘n pou
Iets verdwyn soos ‘n groot speld
So vet soos ‘n vark
So vinnig soos die wind
Hy vloek soos ‘n matroos
Vrek soos vlieë
So vry soos ‘n voël in die lug
So vuil soos ‘n vark
So waar soos vet
Sy waggel soos ‘n eend
So wit soos sneeu / ’n laken
So wys soos Salomo